O Aviso de Chegada é un documento informativo para o destinatario dun envío. O carteiro depositarao na caixa de correo se o destinatario non se encontra no domicilio no momento da entrega.

Neste documento poderás encontrar toda a información relevante que debes coñecer para recoller o teu envío. Explicámoscho paso a paso:

 

Na parte frontal do aviso encontramos:

 

“Destinatario”: contén os datos da persoa a quen se dirixe o envío, sendo este o único autorizado por defecto para a súa recollida.

Xusto debaixo encontrarás os “Datos do envío”: O número de envío, cal é a súa orixe, quen é o remitente e a data na que se intentou realizar a entrega.

En “Situación do envío” poderás comprobar se o envío se volverá enviar, se deberás pasalo a buscar á oficina (moi importante lembrar que o envío estará dispoñible na oficina a partir do seguinte día laborable), ou se se devolverá ao remitente.

A “Modalidade” indica o tipo de envío que recibiches (ordinario, urxente, con reembolso, etc.)

En función do tipo de “Produto” (carta, paquete azul, telegrama...) tamén se especifica o tempo de permanencia do envío na oficina. Finalizado este prazo o envío devolveráselle ao remitente.

 

Na parte traseira do aviso encontraremos os seguintes datos:

 

“Oficina”: encontrará os datos da sucursal na que debe recoller o seu envío: enderezo, horario e teléfono de contacto.

“Requisitos para a recollida en oficina”. Se non podes recoller o teu envío persoalmente, deberás completar este apartado para autorizar a quen desexes. Lembra que ademais do aviso, o autorizado debe presentar o seu DNI e unha fotocopia do teu como destinatario. Esta autorización será válida en todas as modalidades de entrega agás na de entrega exclusiva ao destinatario.