Merkantziak posta bidez esportatzen dituzten Espainiako enpresa eta enpresariek Correosi eska diezaiokete esportazioko DUA formalizatzea. Agiri horrek, merkantziak euren lurraldetik atera izana egiaztatzea eta Zuzenbidearen arabera dagozkien zerga-onura eta -arintzeak aplikatzea ahalbidetzen die.

Bestalde, baliteke hirugarren herrialdeetatik datorren merkantzia Penintsula eta Balearretan, Kanarietan, Ceutan eta Melillan inportatzea segurtasun-kontrolei (osasuna, farmazia, etab.) lotuta egotea, merkantzia motaren arabera, bidalketa zure etxean entregatu ahal izateko Aduanan egin beharreko inportazio-izapidea kontuan hartu gabe. Adierazi beharra dago zenbait merkantzian inportazioa galarazita edo murriztuta egon litekeela Espainian, eta beraz, nazioarteko bidalketen hartzaileei gomendatzen zaie informatzea merkantzia sartzerakoan eskatzen diren agiriei buruz. Correosek, dena dela, eskura duen aholkularitza eskainiko dizu zure bidalketen inportazioa errazte aldera.

Azkenik, gogoan izan hirugarrengo herrialdeetatik datozen merkantzien inportazioa Penintsula eta Balearretan, Kanarietan, Ceutan eta Melillan legeak agindutako zergak ordaintzera loturik dagoela.