A orixe dos cuños respondeu á inutilización da taxa de franqueo; ao longo dos anos adquiriu outro valor polo seu relevante impacto no coleccionismo filatélico, ao representar a súa inscrición unha comunicación dos grandes acontecementos, dos valores e dos logros da nosa sociedade, que reforza a imaxe e presenza do selo de Correos.
Encontramos dúas clases de cuño:
CUÑOS CONMEMORATIVOS son aqueles que responden a un evento, efeméride ou acontecemento “solicitado a Correos por un externo”, tanto de forma particular ou corporativa por calquera institución ou organismo. Representa na súa inscrición, mediante imaxe/texto, unha referencia conmemorativa a cal é avalada co logo e símbolo de Correos e unha numeración correlativa anual. Este cuño é aprobado e autorizado por Correos e serve para a obliteración manual en oficinas de Correos temporais ou permanentes.
CUÑOS POSTAIS son aqueles que responden a un concepto global ou particular na súa temática “xerada e emitida por Correos”, poden ou non ter datador. A súa inscrición, mediante imaxe/texto, referencia o concepto seleccionado conxuntamente co logo e símbolo de Correos. Estes clasifícanse en:
1. Especiais: son aqueles autorizados e operados por persoal alleo a Correos; a súa autorización de uso corresponde á Subdirección de Filatelia (ex.: bases de investigación, militares, etc.)
2. Operativos: Cuños que se utilizan para obliterar nas oficinas postais. Actualmente divídense en Operativos de Oficinas Principais e Turísticos.
3. Primeiro día de circulación. Os cuños que conmemoran o Primeiro Día de Circulación dos selos.
4. Cuño de Presentación. Cuños correspondentes ao día no que se produce o acto de presentación do selo.
Neste web, os Especiais, os Operativos e os de Presentación aparecen no apartado de POSTAIS.