Paq Mochila

Para os peregrinos que prefiren realizar o Camiño máis comodamente, sen cargar coa súa mochila, Correos encárgase do traslado da súa mochila entre as diferentes etapas da maioría dos Camiños a Santiago.

Co Paq Mochila CORREOS organiza o transporte de mochilas e maletas entre os aloxamentos do Camiño. Recólleos a primeira hora da mañá no aloxamento indicado e déixaos antes das 14:30 no hostal, hotel ou albergue elixido na seguinte etapa. Desta forma o peregrino pode realizar o seu Camiño de Santiago sen cargar coa súa equipaxe.

Ámbito:

Realizamos este servizo de transporte de mochilas entre etapas no Camiño Francés dende Roncesvalles e de Somport, no Camiño Portugués dende Tui, no Camiño Primitivo dende Oviedo, no Camiño do Norte dende Irún, no Camiño Inglés dende Ferrol, no Camiño Sanabrés  dende Ourense e no Camiño a Fisterra e Muxía.

NOTA: Debido ás circunstancias provocadas polo COVID-19, este ano prestamos o noso servizo de traslado de mochilas e maletas en todos estes Camiños a partir do 1 de xullo de 2020, podendo verse afectados segundo as recomendacións das autoridades sanitarias, de cada unha das provincias. Recoméndase, por iso, consultar previamente a dispoñibilidade das rutas a través do correo electrónico paqmochila@correos.com